Ad Banner
Ad Banner
Ad Banner
Ad Banner

Regjistrimi i votuesve jashtë Kosovës: Mbi 61 mijë aplikime të aprovuara

14:13 | 13 Maj 2026
E.G

Zëdhënësi i Komisionit Qendror të Zgjedhjeve (KQZ), Valmir Elezi, ka bërë të ditur se po vazhdon periudha e aplikimit për regjistrimin e votuesve jashtë Kosovës, e cila ka nisur më 6 maj dhe do të përfundojë më 17 maj 2026.

Sipas të dhënave të KQZ-së, të publikuara të mërkurën, deri më 13 maj në orën 10:00, përmes platformës elektronike janë pranuar 67,685 kërkesa për regjistrim, prej të cilave janë aprovuar 61,500, ndërsa 5,858 janë refuzuar dhe 301 janë ende në shqyrtim.

Nga aplikimet e aprovuara, 14,566 shtetas janë regjistruar për të votuar fizikisht në përfaqësi diplomatike, 1,605 kanë zgjedhur të dërgojnë pakon me fletëvotim në kutinë postare të KQZ-së në Kosovë, ndërsa 45,329 do ta dërgojnë pakon me fletëvotim në kutinë postare jashtë vendit.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm